Nəcm surəsi

وَٱلنَّجْمِ إِذَا هَوَىٰ

And olsun batmaqda olan ulduza!

مَا ضَلَّ صَاحِبُكُمْ وَمَا غَوَىٰ

Sizin yoldaşınız nə haqdan azmış, nə də yoldan çıxmışdır.

وَمَا يَنطِقُ عَنِ ٱلْهَوَىٰٓ

O, öz istəyi ilə danışmır.

إِنْ هُوَ إِلَّا وَحْىٌ يُوحَىٰ

Bu, ona təlqin edilən bir vəhydir.

عَلَّمَهُۥ شَدِيدُ ٱلْقُوَىٰ

Bunu ona çox qüvvətli olan öyrətdi –

ذُو مِرَّةٍ فَٱسْتَوَىٰ

gözəl görünüşlü Cəbrail. O, yüksəlib öz surətində göründü.

وَهُوَ بِٱلْأُفُقِ ٱلْأَعْلَىٰ

O, ən uca üfüqdə idi.

ثُمَّ دَنَا فَتَدَلَّىٰ

Sonra Muhəmmədə yaxınlaşıb aşağı endi.

فَكَانَ قَابَ قَوْسَيْنِ أَوْ أَدْنَىٰ

O, iki yay uzunluğunda, hətta ondan da yaxın məsafədə idi.

فَأَوْحَىٰٓ إِلَىٰ عَبْدِهِۦ مَآ أَوْحَىٰ

Sonra Allah Öz quluna nazil edəcəyini vəhy etdi.

مَا كَذَبَ ٱلْفُؤَادُ مَا رَأَىٰٓ

Peyğəmbərin qəlbi gördüyünü yalan saymadı.

أَفَتُمَـٰرُونَهُۥ عَلَىٰ مَا يَرَىٰ

İndi siz onunla gördüyü şey barəsində mübahisəmi edirsiniz?

وَلَقَدْ رَءَاهُ نَزْلَةً أُخْرَىٰ

Onu bir daha öz sürətində enərkən gördü –

عِندَ سِدْرَةِ ٱلْمُنتَهَىٰ

son həddəki Sidr ağacının yanında.

عِندَهَا جَنَّةُ ٱلْمَأْوَىٰٓ

Məva bağı da onun yanındadır.

إِذْ يَغْشَى ٱلسِّدْرَةَ مَا يَغْشَىٰ

O zaman Sidr ağacını bürüyən bürümüşdü.

مَا زَاغَ ٱلْبَصَرُ وَمَا طَغَىٰ

Peyğəmbərin gözü yayınmadı və həddi aşmadı.

لَقَدْ رَأَىٰ مِنْ ءَايَـٰتِ رَبِّهِ ٱلْكُبْرَىٰٓ

O, öz Rəbbinin ən böyük dəlillərindən bəzisini gördü.

أَفَرَءَيْتُمُ ٱللَّـٰتَ وَٱلْعُزَّىٰ

Siz tapındığınız Lat və Uzzanı gördünüzmü?

وَمَنَوٰةَ ٱلثَّالِثَةَ ٱلْأُخْرَىٰٓ

Həmçinin üçüncü olan Mənatı da?

أَلَكُمُ ٱلذَّكَرُ وَلَهُ ٱلْأُنثَىٰ

Məgər oğlanlar sizin, qızlar Onundurmu?

تِلْكَ إِذًا قِسْمَةٌ ضِيزَىٰٓ

Onda bu ədalətsiz bölgü olardı!

إِنْ هِىَ إِلَّآ أَسْمَآءٌ سَمَّيْتُمُوهَآ أَنتُمْ وَءَابَآؤُكُم مَّآ أَنزَلَ ٱللَّهُ بِهَا مِن سُلْطَـٰنٍ ۚ إِن يَتَّبِعُونَ إِلَّا ٱلظَّنَّ وَمَا تَهْوَى ٱلْأَنفُسُ ۖ وَلَقَدْ جَآءَهُم مِّن رَّبِّهِمُ ٱلْهُدَىٰٓ

Onlar sizin və atalarınızın qoyduqları adlardan başqa bir şey deyildir. Allah onlar haqqında heç bir dəlil nazil etməmişdir. Onlar yalnız zənnə və nəfslərinin istəklərinə uyarlar. Halbuki Rəbbindən onlara doğru yolu göstərən rəhbər artıq gəlmişdir.

أَمْ لِلْإِنسَـٰنِ مَا تَمَنَّىٰ

Yoxsa insan üçün istədiyi hər şey hazırlanmışdır?

فَلِلَّهِ ٱلْـَٔاخِرَةُ وَٱلْأُولَىٰ

Axirət də, dünya da Allahındır.

۞ وَكَم مِّن مَّلَكٍ فِى ٱلسَّمَـٰوَٰتِ لَا تُغْنِى شَفَـٰعَتُهُمْ شَيْـًٔا إِلَّا مِنۢ بَعْدِ أَن يَأْذَنَ ٱللَّهُ لِمَن يَشَآءُ وَيَرْضَىٰٓ

Göylərdə neçə-neçə mələklər vardır ki, onların şəfaəti Allahın istədiyi və Özünün razı qaldığı kimsələrdən başqa heç kəsə heç bir fayda verməz.

إِنَّ ٱلَّذِينَ لَا يُؤْمِنُونَ بِٱلْـَٔاخِرَةِ لَيُسَمُّونَ ٱلْمَلَـٰٓئِكَةَ تَسْمِيَةَ ٱلْأُنثَىٰ

Axirətə inanmayanlar, həqiqətən də, mələklərə qadın adları verirlər.

وَمَا لَهُم بِهِۦ مِنْ عِلْمٍ ۖ إِن يَتَّبِعُونَ إِلَّا ٱلظَّنَّ ۖ وَإِنَّ ٱلظَّنَّ لَا يُغْنِى مِنَ ٱلْحَقِّ شَيْـًٔا

Halbuki buna dair heç bir bilgiləri yoxdur. Sadəcə olaraq zənnə qapılırlar. Zənn isə əsla həqiqət ola bilməz.

فَأَعْرِضْ عَن مَّن تَوَلَّىٰ عَن ذِكْرِنَا وَلَمْ يُرِدْ إِلَّا ٱلْحَيَوٰةَ ٱلدُّنْيَا

Sən də Bizim Zikrimizi rədd edib dünya həyatından başqa bir şey istəməyənlərdən üzünü yana çevir!

ذَٰلِكَ مَبْلَغُهُم مِّنَ ٱلْعِلْمِ ۚ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِۦ وَهُوَ أَعْلَمُ بِمَنِ ٱهْتَدَىٰ

Onların bilik səviyyəsi budur. Şübhəsiz ki, sənin Rəbbin Onun yolundan azanı da, doğru yolla gedəni də yaxşı tanıyır.

وَلِلَّهِ مَا فِى ٱلسَّمَـٰوَٰتِ وَمَا فِى ٱلْأَرْضِ لِيَجْزِىَ ٱلَّذِينَ أَسَـٰٓـُٔوا۟ بِمَا عَمِلُوا۟ وَيَجْزِىَ ٱلَّذِينَ أَحْسَنُوا۟ بِٱلْحُسْنَى

Göylərdə və yerdə nə varsa, Allahındır. Bu, Allahın pislik edənlərə əməllərinin cəzasını verməsi, yaxşılıq edənləri isə ən gözəli ilə (Cənnətlə) mükafatlandırması üçündür.

ٱلَّذِينَ يَجْتَنِبُونَ كَبَـٰٓئِرَ ٱلْإِثْمِ وَٱلْفَوَٰحِشَ إِلَّا ٱللَّمَمَ ۚ إِنَّ رَبَّكَ وَٰسِعُ ٱلْمَغْفِرَةِ ۚ هُوَ أَعْلَمُ بِكُمْ إِذْ أَنشَأَكُم مِّنَ ٱلْأَرْضِ وَإِذْ أَنتُمْ أَجِنَّةٌ فِى بُطُونِ أُمَّهَـٰتِكُمْ ۖ فَلَا تُزَكُّوٓا۟ أَنفُسَكُمْ ۖ هُوَ أَعْلَمُ بِمَنِ ٱتَّقَىٰٓ

Onlar kiçik günahlar istisna olmaqla, böyük günahlardan və iyrənc əməllərdən çəkinirlər. Həqiqətən, sənin Rəbbin geniş məğfirət sahibidir. O, sizi torpaqdan yaradanda da, siz analarınızın bətnində rüşeym halında olanda da sizi yaxşı tanıyırdı. Özünüzü təmizə çıxartmayın! Çünki O, kimin Allahdan qorxduğunu yaxşı bilir.

أَفَرَءَيْتَ ٱلَّذِى تَوَلَّىٰ

Gördünmü üz çevirəni,

وَأَعْطَىٰ قَلِيلًا وَأَكْدَىٰٓ

malından azacıq verib sonra heç verməyəni?

أَعِندَهُۥ عِلْمُ ٱلْغَيْبِ فَهُوَ يَرَىٰٓ

Məgər o, qeybi bilirmi ki, bunu görsün?

أَمْ لَمْ يُنَبَّأْ بِمَا فِى صُحُفِ مُوسَىٰ

Yoxsa Musanın səhifələrində olanlar barədə ona xəbər verilmədi?

وَإِبْرَٰهِيمَ ٱلَّذِى وَفَّىٰٓ

Məgər vəfalı olan İbrahimin səhifələrində olanlar barədə ona bildirilmədi?

أَلَّا تَزِرُ وَازِرَةٌ وِزْرَ أُخْرَىٰ

Heç bir günahkar başqasının günah yükünü daşımaz.

وَأَن لَّيْسَ لِلْإِنسَـٰنِ إِلَّا مَا سَعَىٰ

İnsan can atdığı şeyə nail olar.

وَأَنَّ سَعْيَهُۥ سَوْفَ يُرَىٰ

Əlbəttə, onun can atdığı əməl ona nəsib olacaqdır.

ثُمَّ يُجْزَىٰهُ ٱلْجَزَآءَ ٱلْأَوْفَىٰ

Sonra da ona bunun əvəzi tam veriləcəkdir!”

وَأَنَّ إِلَىٰ رَبِّكَ ٱلْمُنتَهَىٰ

Son dönüş sənin Rəbbinədir.

وَأَنَّهُۥ هُوَ أَضْحَكَ وَأَبْكَىٰ

Güldürən də, ağladan da Odur!

وَأَنَّهُۥ هُوَ أَمَاتَ وَأَحْيَا

Öldürən də, dirildən də Odur!

وَأَنَّهُۥ خَلَقَ ٱلزَّوْجَيْنِ ٱلذَّكَرَ وَٱلْأُنثَىٰ

O, insanlardan və heyvanlardan biri erkək və bir də dişi olmaqla iki cüt yaratdı –

مِن نُّطْفَةٍ إِذَا تُمْنَىٰ

axıdılan bir nütfədən.

وَأَنَّ عَلَيْهِ ٱلنَّشْأَةَ ٱلْأُخْرَىٰ

Təkrar diriltmək də Ona aiddir.

وَأَنَّهُۥ هُوَ أَغْنَىٰ وَأَقْنَىٰ

Dövlətli edən də, kasıb edən də Odur.

وَأَنَّهُۥ هُوَ رَبُّ ٱلشِّعْرَىٰ

Şiranın da Rəbbi Odur.

وَأَنَّهُۥٓ أَهْلَكَ عَادًا ٱلْأُولَىٰ

O, əvvəlki Ad tayfasını məhv etdi.

وَثَمُودَا۟ فَمَآ أَبْقَىٰ

Səmudu da məhv edib onlardan heç kəsi sağ buraxmadı.

وَقَوْمَ نُوحٍ مِّن قَبْلُ ۖ إِنَّهُمْ كَانُوا۟ هُمْ أَظْلَمَ وَأَطْغَىٰ

Daha öncə Nuh qövmünü də məhv etdi, çünki onlar daha zalım, daha azğın kimsələr idi.

وَٱلْمُؤْتَفِكَةَ أَهْوَىٰ

Alt-üst olmuş kəndləri də O viran qoydu.

فَغَشَّىٰهَا مَا غَشَّىٰ

Onların başına gətirdiyini gətirdi.

فَبِأَىِّ ءَالَآءِ رَبِّكَ تَتَمَارَىٰ

Sən öz Rəbbinin hansı nemətlərinə şübhə edirsən?

هَـٰذَا نَذِيرٌ مِّنَ ٱلنُّذُرِ ٱلْأُولَىٰٓ

Bu da əvvəlki xəbərdarlıq edib qorxudanlar kimi bir qorxudandır.

أَزِفَتِ ٱلْـَٔازِفَةُ

Yaxınlaşan (Qiyamət günü) yaxınlaşdı.

لَيْسَ لَهَا مِن دُونِ ٱللَّهِ كَاشِفَةٌ

Allahdan başqa heç kəs onun qarşısını ala bilməz.

أَفَمِنْ هَـٰذَا ٱلْحَدِيثِ تَعْجَبُونَ

Siz bu Sözə təəccüblənirsiniz,

وَتَضْحَكُونَ وَلَا تَبْكُونَ

gülürsünüz, heç ağlamırsınız,

وَأَنتُمْ سَـٰمِدُونَ

və oynayıb əylənirsiniz?

فَٱسْجُدُوا۟ لِلَّهِ وَٱعْبُدُوا۟ ۩

Siz Allaha səcdə qılın və Ona ibadət edin!