Qariə surəsi

Qəlbləri Qorxuya salan!

Qəlbləri Qorxuya salan nədir?

Sən haradan biləsən ki, qəlbləri Qorxuya salan nədir?

O gün insanlar ətrafa səpələnmiş pərvanələr tək olacaqlar.

Dağlar isə didilmiş yun görkəmi alacaqdır.

O gün kimin tərəziləri ağır gələrsə

xoşbəxt güzəran sürəcək.

Kimin tərəziləri yüngül gələrsə,

məskəni Haviyə olacaqdır.

Sən haradan biləsən ki, o nədir?

O, çox qızmar bir oddur!