Saffat surəsi

وَٱلصَّـٰٓفَّـٰتِ صَفًّا

And olsun göylərdə və yerdə səf-səf duranlara,

فَٱلزَّٰجِرَٰتِ زَجْرًا

imansızları qətiyyətlə qovanlara

فَٱلتَّـٰلِيَـٰتِ ذِكْرًا

və Zikri oxuyanlara!

إِنَّ إِلَـٰهَكُمْ لَوَٰحِدٌ

Həqiqətən, sizin məbudunuz Təkdir!

رَّبُّ ٱلسَّمَـٰوَٰتِ وَٱلْأَرْضِ وَمَا بَيْنَهُمَا وَرَبُّ ٱلْمَشَـٰرِقِ

O, həm göylərin, yerin və onların arasındakıların Rəbbi, həm də məşriqlərin Rəbbidir.

إِنَّا زَيَّنَّا ٱلسَّمَآءَ ٱلدُّنْيَا بِزِينَةٍ ٱلْكَوَاكِبِ

Biz dünya səmasını parlaq ulduzlarla bəzədik

وَحِفْظًا مِّن كُلِّ شَيْطَـٰنٍ مَّارِدٍ

və onu hər bir asi şeytandan mühafizə etdik.

لَّا يَسَّمَّعُونَ إِلَى ٱلْمَلَإِ ٱلْأَعْلَىٰ وَيُقْذَفُونَ مِن كُلِّ جَانِبٍ

Onlar artıq ali topluma (mələklərin söhbətlərinə) qulaq asa bilməzlər və hər tərəfdən üstlərinə yandırıb yaxan alovlar yağdırılar

دُحُورًا ۖ وَلَهُمْ عَذَابٌ وَاصِبٌ

və oradan qovularlar. Onları uzun sürəcək bir əzab gözləyir.

إِلَّا مَنْ خَطِفَ ٱلْخَطْفَةَ فَأَتْبَعَهُۥ شِهَابٌ ثَاقِبٌ

Lakin şeytanlardan hər kim o söhbətlərdən bir söz qapıb qaçarsa, onu yandırıb-yaxan parlaq bir alov təqib edər.

فَٱسْتَفْتِهِمْ أَهُمْ أَشَدُّ خَلْقًا أَم مَّنْ خَلَقْنَآ ۚ إِنَّا خَلَقْنَـٰهُم مِّن طِينٍ لَّازِبٍۭ

Kafirlərdən soruş ki, onları yaratmaq çətindir, yoxsa Bizim başqa yaratdıqlarımızı? Biz ki onları yapışqan kimi palçıqdan yaratdıq.

بَلْ عَجِبْتَ وَيَسْخَرُونَ

Sən onlara təəccüb edirsən, onlar isə səni ələ salırlar.

وَإِذَا ذُكِّرُوا۟ لَا يَذْكُرُونَ

Onlara xatırlatdıqda düşünüb ibrət almırlar.

وَإِذَا رَأَوْا۟ ءَايَةً يَسْتَسْخِرُونَ

Bir möcüzə gördükdə isə ona istehza edir

وَقَالُوٓا۟ إِنْ هَـٰذَآ إِلَّا سِحْرٌ مُّبِينٌ

və deyirlər: “Bu ancaq gözlə görülən bir sehrdir.

أَءِذَا مِتْنَا وَكُنَّا تُرَابًا وَعِظَـٰمًا أَءِنَّا لَمَبْعُوثُونَ

Məgər biz öldükdən, sür-sümük olub torpağa çevrildikdən sonra dirildiləcəyikmi?

أَوَءَابَآؤُنَا ٱلْأَوَّلُونَ

Ya da atalarımızmı dirildiləcəklər?”

قُلْ نَعَمْ وَأَنتُمْ دَٰخِرُونَ

De: “Bəli, özü də, zəlil günə qalmış olduğunuz halda dirildiləcəksiniz”.

فَإِنَّمَا هِىَ زَجْرَةٌ وَٰحِدَةٌ فَإِذَا هُمْ يَنظُرُونَ

Bu, təkcə dəhşətli bir səs olacaq və onlar qəfildən dirilib görməyə başlayacaqlar.

وَقَالُوا۟ يَـٰوَيْلَنَا هَـٰذَا يَوْمُ ٱلدِّينِ

Günahkarlar deyəcəklər: “Vay halımıza! Bu ki, Haqq-hesab günüdür!”

هَـٰذَا يَوْمُ ٱلْفَصْلِ ٱلَّذِى كُنتُم بِهِۦ تُكَذِّبُونَ

Onlara deyiləcək: “Bu, yalan saydığınız Fərqləndirmə günüdür!”

۞ ٱحْشُرُوا۟ ٱلَّذِينَ ظَلَمُوا۟ وَأَزْوَٰجَهُمْ وَمَا كَانُوا۟ يَعْبُدُونَ

Mələklərə belə əmr olunacaq: “Toplayın bir yerə zalımları, onların yoldaşlarını və ibadət etdiklərini –

مِن دُونِ ٱللَّهِ فَٱهْدُوهُمْ إِلَىٰ صِرَٰطِ ٱلْجَحِيمِ

Allahdan başqa. Onları Cəhənnəm yoluna yönəldin.

وَقِفُوهُمْ ۖ إِنَّهُم مَّسْـُٔولُونَ

Onları dayandırın, çünki onlar sorğu-sual olunacaqlar”.

مَا لَكُمْ لَا تَنَاصَرُونَ

Günahkarlara deyiləcək: “Sizə nə olub ki, bir-birinizə kömək etmirsiniz?”

بَلْ هُمُ ٱلْيَوْمَ مُسْتَسْلِمُونَ

Bəli, onlar bu gün baş əyəcəklər!

وَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ

Onlar bir-birinə üz tutub soruşacaqlar.

قَالُوٓا۟ إِنَّكُمْ كُنتُمْ تَأْتُونَنَا عَنِ ٱلْيَمِينِ

Tabe olanlar deyəcəklər: “Siz bizim yanımıza sağ tərəfdən gəlirdiniz”.

قَالُوا۟ بَل لَّمْ تَكُونُوا۟ مُؤْمِنِينَ

Başçılar deyəcəklər: “Xeyr! Siz inanan adamlar deyildiniz.

وَمَا كَانَ لَنَا عَلَيْكُم مِّن سُلْطَـٰنٍۭ ۖ بَلْ كُنتُمْ قَوْمًا طَـٰغِينَ

Bizim sizin üzərinizdə heç bir hökmranlığımız da yox idi. Xeyr, siz özünüz həddi aşmış adamlar idiniz.

فَحَقَّ عَلَيْنَا قَوْلُ رَبِّنَآ ۖ إِنَّا لَذَآئِقُونَ

Rəbbimizin Sözü bizim barəmizdə həqiqətə çevrildi. Biz əzabı hökmən dadacağıq.

فَأَغْوَيْنَـٰكُمْ إِنَّا كُنَّا غَـٰوِينَ

Biz sizi azdırdıq. Çünki biz özümüz də azmış adamlar idik”.

فَإِنَّهُمْ يَوْمَئِذٍ فِى ٱلْعَذَابِ مُشْتَرِكُونَ

Şübhəsiz ki, həmin gün onlar əzaba şərik olacaqlar.

إِنَّا كَذَٰلِكَ نَفْعَلُ بِٱلْمُجْرِمِينَ

Həqiqətən, Biz günahkarlarla belə rəftar edəcəyik.

إِنَّهُمْ كَانُوٓا۟ إِذَا قِيلَ لَهُمْ لَآ إِلَـٰهَ إِلَّا ٱللَّهُ يَسْتَكْبِرُونَ

Çünki onlara: “Allahdan başqa ibadətə layiq olan məbud yoxdur!” – deyildikdə təkəbbür göstərir

وَيَقُولُونَ أَئِنَّا لَتَارِكُوٓا۟ ءَالِهَتِنَا لِشَاعِرٍ مَّجْنُونٍۭ

və deyirdilər: “Məgər bir məcnun şairə görə məbudlarımızı tərk edəcəyik?”

بَلْ جَآءَ بِٱلْحَقِّ وَصَدَّقَ ٱلْمُرْسَلِينَ

Xeyr! O, haqqı gətirdi və əvvəlki peyğəmbərləri təsdiqlədi.

إِنَّكُمْ لَذَآئِقُوا۟ ٱلْعَذَابِ ٱلْأَلِيمِ

Siz mütləq ağrılı-acılı əzabı dadacaqsınız.

وَمَا تُجْزَوْنَ إِلَّا مَا كُنتُمْ تَعْمَلُونَ

Siz ancaq etdiyiniz əməllərin cəzasını alacaqsınız.

إِلَّا عِبَادَ ٱللَّهِ ٱلْمُخْلَصِينَ

Lakin Allahın seçilmiş ixlaslı qulları müstəsnadırlar.

أُو۟لَـٰٓئِكَ لَهُمْ رِزْقٌ مَّعْلُومٌ

Məhz onlar üçün müəyyən bir ruzi vardır –

فَوَٰكِهُ ۖ وَهُم مُّكْرَمُونَ

Cənnət meyvələri. Onlara ehtiram göstəriləcəkdir –

فِى جَنَّـٰتِ ٱلنَّعِيمِ

Nəim bağlarında.

عَلَىٰ سُرُرٍ مُّتَقَـٰبِلِينَ

Onlar taxtlar üstündə bir-biri ilə üzbəüz oturacaqlar.

يُطَافُ عَلَيْهِم بِكَأْسٍ مِّن مَّعِينٍۭ

Onlar üçün çeşmə şərabı ilə dolu piyalələr dolandırılacaqdır.

بَيْضَآءَ لَذَّةٍ لِّلشَّـٰرِبِينَ

Özü də ağappaq, içənlərə ləzzət verən bir şərab.

لَا فِيهَا غَوْلٌ وَلَا هُمْ عَنْهَا يُنزَفُونَ

O şərab nə baş ağrısı verər, nə də ondan məst olarlar.

وَعِندَهُمْ قَـٰصِرَٰتُ ٱلطَّرْفِ عِينٌ

Onların yanında baxışları öz ərlərinə dikilmiş iri qaragözlü hurilər olacaqdır.

كَأَنَّهُنَّ بَيْضٌ مَّكْنُونٌ

Özü də qorunub saxlanılmış yumurta kimi hurilər.

فَأَقْبَلَ بَعْضُهُمْ عَلَىٰ بَعْضٍ يَتَسَآءَلُونَ

Onlar bir-birilərinə tərəf dönüb soruşacaqlar.

قَالَ قَآئِلٌ مِّنْهُمْ إِنِّى كَانَ لِى قَرِينٌ

Onlardan biri deyəcək: “Mənim bir yoldaşım var idi.

يَقُولُ أَءِنَّكَ لَمِنَ ٱلْمُصَدِّقِينَ

O deyirdi: “Sən də inananlardansan?

أَءِذَا مِتْنَا وَكُنَّا تُرَابًا وَعِظَـٰمًا أَءِنَّا لَمَدِينُونَ

Məgər biz öldükdən, torpağa çevrilib sür-sümük olduqdan sonra haqq-hesaba çəkilib cəzalandırılacağıq?”

قَالَ هَلْ أَنتُم مُّطَّلِعُونَ

O sözünə davam edib deyəcək: “Siz onun harada olduğunu görmək istəyirsinizmi?”

فَٱطَّلَعَ فَرَءَاهُ فِى سَوَآءِ ٱلْجَحِيمِ

O özü baxıb yoldaşını Cəhənnəmin ortasında görəcək

قَالَ تَٱللَّهِ إِن كِدتَّ لَتُرْدِينِ

və deyəcəkdir: “Allaha and olsun ki, sən məni də məhv edəcəkdin.

وَلَوْلَا نِعْمَةُ رَبِّى لَكُنتُ مِنَ ٱلْمُحْضَرِينَ

Əgər Rəbbimin lütfü olmasaydı, mən də Cəhənnəmə gətirilənlərdən olardım.

أَفَمَا نَحْنُ بِمَيِّتِينَ

Doğrudanmı biz bir daha ölməyəcəyik –

إِلَّا مَوْتَتَنَا ٱلْأُولَىٰ وَمَا نَحْنُ بِمُعَذَّبِينَ

ilk ölümümüzdən başqa? Doğrudanmı biz heç vaxt əzaba düçar olmayacağıq?”

إِنَّ هَـٰذَا لَهُوَ ٱلْفَوْزُ ٱلْعَظِيمُ

Həqiqətən, bu, böyük uğurdur.

لِمِثْلِ هَـٰذَا فَلْيَعْمَلِ ٱلْعَـٰمِلُونَ

Qoy çalışanlar bunun üçün çalışsınlar!

أَذَٰلِكَ خَيْرٌ نُّزُلًا أَمْ شَجَرَةُ ٱلزَّقُّومِ

Ziyafət üçün bu yaxşıdır, yoxsa zəqqum ağacı?

إِنَّا جَعَلْنَـٰهَا فِتْنَةً لِّلظَّـٰلِمِينَ

Biz onu zalımlar üçün bir sınaq etdik.

إِنَّهَا شَجَرَةٌ تَخْرُجُ فِىٓ أَصْلِ ٱلْجَحِيمِ

O, Cəhənnəmin lap dibindən bitib çıxan bir ağacdır.

طَلْعُهَا كَأَنَّهُۥ رُءُوسُ ٱلشَّيَـٰطِينِ

Onun meyvəsi şeytanların başları kimidir.

فَإِنَّهُمْ لَـَٔاكِلُونَ مِنْهَا فَمَالِـُٔونَ مِنْهَا ٱلْبُطُونَ

Günahkarlar ondan yeyib qarınlarını dolduracaqlar.

ثُمَّ إِنَّ لَهُمْ عَلَيْهَا لَشَوْبًا مِّنْ حَمِيمٍ

Sonra da üstündən onları qaynar su ilə qatışdırılmış bir içki gözləyir.

ثُمَّ إِنَّ مَرْجِعَهُمْ لَإِلَى ٱلْجَحِيمِ

Sonra onlar mütləq Cəhənnəmə qaytarılacaqlar.

إِنَّهُمْ أَلْفَوْا۟ ءَابَآءَهُمْ ضَآلِّينَ

Həqiqətən, onlar ata-babalarını azmış gördülər,

فَهُمْ عَلَىٰٓ ءَاثَـٰرِهِمْ يُهْرَعُونَ

özləri də tez-tələsik onların izini tutub getdilər.

وَلَقَدْ ضَلَّ قَبْلَهُمْ أَكْثَرُ ٱلْأَوَّلِينَ

Həqiqətən, onlardan öncə əvvəlki nəsillərin çoxu zəlalətə düşmüşdü.

وَلَقَدْ أَرْسَلْنَا فِيهِم مُّنذِرِينَ

Biz onlara xəbərdar edən peyğəmbərlər göndərmişdik.

فَٱنظُرْ كَيْفَ كَانَ عَـٰقِبَةُ ٱلْمُنذَرِينَ

Bax gör xəbərdar edilənlərin aqibəti necə oldu.

إِلَّا عِبَادَ ٱللَّهِ ٱلْمُخْلَصِينَ

Yalnız Allahın seçilmiş səmimi qullarından başqa.

وَلَقَدْ نَادَىٰنَا نُوحٌ فَلَنِعْمَ ٱلْمُجِيبُونَ

Nuh Bizə yalvarıb yaxardı. Biz çağırışa necə də gözəl cavab verənik!

وَنَجَّيْنَـٰهُ وَأَهْلَهُۥ مِنَ ٱلْكَرْبِ ٱلْعَظِيمِ

Biz onu və ailəsini böyük sıxıntıdan qurtardıq.

وَجَعَلْنَا ذُرِّيَّتَهُۥ هُمُ ٱلْبَاقِينَ

Təkcə onun nəslini qoruyub saxladıq.

وَتَرَكْنَا عَلَيْهِ فِى ٱلْـَٔاخِرِينَ

Sonra gələnlər arasında onun üçün gözəl xatirə qoyduq;

سَلَـٰمٌ عَلَىٰ نُوحٍ فِى ٱلْعَـٰلَمِينَ

aləmlər içərisində Nuha salam olsun!

إِنَّا كَذَٰلِكَ نَجْزِى ٱلْمُحْسِنِينَ

Həqiqətən, Biz yaxşı iş görənləri belə mükafatlandırırıq.

إِنَّهُۥ مِنْ عِبَادِنَا ٱلْمُؤْمِنِينَ

Həqiqətən, o Bizim mömin qullarımızdandır.

ثُمَّ أَغْرَقْنَا ٱلْـَٔاخَرِينَ

Sonra o birilərini suya qərq etdik.

۞ وَإِنَّ مِن شِيعَتِهِۦ لَإِبْرَٰهِيمَ

Həqiqətən, İbrahim onun ardıcıllarından idi.

إِذْ جَآءَ رَبَّهُۥ بِقَلْبٍ سَلِيمٍ

Bir zaman o, öz Rəbbinin yanına pak bir qəlblə gəldi.

إِذْ قَالَ لِأَبِيهِ وَقَوْمِهِۦ مَاذَا تَعْبُدُونَ

Onda o, öz atasına və qövmünə dedi: “Siz nəyə sitayiş edirsiniz?

أَئِفْكًا ءَالِهَةً دُونَ ٱللَّهِ تُرِيدُونَ

Allahı qoyub uydurma məbudlarımı diləyirsiniz?

فَمَا ظَنُّكُم بِرَبِّ ٱلْعَـٰلَمِينَ

Aləmlərin Rəbbi barəsində nə düşünürsünüz?”

فَنَظَرَ نَظْرَةً فِى ٱلنُّجُومِ

O, ulduzlara bir nəzər salaraq

فَقَالَ إِنِّى سَقِيمٌ

“Mən xəstəyəm!” – dedi.

فَتَوَلَّوْا۟ عَنْهُ مُدْبِرِينَ

Onlar ondan üz çevirib çıxıb getdilər.

فَرَاغَ إِلَىٰٓ ءَالِهَتِهِمْ فَقَالَ أَلَا تَأْكُلُونَ

O, xəlvətcə onların məbudlarının yanına gəlib istehza ilə dedi: “Siz bu təamları yemirsiniz?

مَا لَكُمْ لَا تَنطِقُونَ

Sizə nə olub ki, danışmırsınız?”

فَرَاغَ عَلَيْهِمْ ضَرْبًۢا بِٱلْيَمِينِ

Sonra onlara yaxınlaşıb sağ əli ilə bir zərbə endirdi.

فَأَقْبَلُوٓا۟ إِلَيْهِ يَزِفُّونَ

Bütpərəstlər tələsik onun yanına gəldilər.

قَالَ أَتَعْبُدُونَ مَا تَنْحِتُونَ

O dedi: “Siz yonub düzəltdiklərinizəmi sitayiş edirsiniz?

وَٱللَّهُ خَلَقَكُمْ وَمَا تَعْمَلُونَ

Axı sizi də, sizin düzəltdiklərinizi də Allah yaratmışdır”.

قَالُوا۟ ٱبْنُوا۟ لَهُۥ بُنْيَـٰنًا فَأَلْقُوهُ فِى ٱلْجَحِيمِ

Onlar dedilər: “Bundan ötrü bir bina tikin və onu orada odlayın!”

فَأَرَادُوا۟ بِهِۦ كَيْدًا فَجَعَلْنَـٰهُمُ ٱلْأَسْفَلِينَ

Onlar İbrahimə hiylə qurmaq istədilər, Biz də onları rüsvay etdik.

وَقَالَ إِنِّى ذَاهِبٌ إِلَىٰ رَبِّى سَيَهْدِينِ

O dedi: “Mən Rəbbimə doğru gedirəm. O məni doğru yola yönəldəcəkdir”.

رَبِّ هَبْ لِى مِنَ ٱلصَّـٰلِحِينَ

O dedi: “Ey Rəbbim! Mənə əməlisalehlərdən olan övlad bəxş et!”

فَبَشَّرْنَـٰهُ بِغُلَـٰمٍ حَلِيمٍ

Biz də onu həlim xasiyyətli bir oğlan uşağı ilə müjdələdik.

فَلَمَّا بَلَغَ مَعَهُ ٱلسَّعْىَ قَالَ يَـٰبُنَىَّ إِنِّىٓ أَرَىٰ فِى ٱلْمَنَامِ أَنِّىٓ أَذْبَحُكَ فَٱنظُرْ مَاذَا تَرَىٰ ۚ قَالَ يَـٰٓأَبَتِ ٱفْعَلْ مَا تُؤْمَرُ ۖ سَتَجِدُنِىٓ إِن شَآءَ ٱللَّهُ مِنَ ٱلصَّـٰبِرِينَ

O, böyüyüb atası ilə bərabər çalışmaq həddinə çatdıqda İbrahim dedi: “Oğlum! Yuxuda gördüm ki, səni qurban kəsirəm. Bax gör nə düşünürsən!” O dedi: “Atacan! Sənə buyurulanı yerinə yetir. Allah qoysa mənim səbirlilərdən olduğumu görəcəksən”.

فَلَمَّآ أَسْلَمَا وَتَلَّهُۥ لِلْجَبِينِ

Hər ikisi Allahın əmrinə tabe olduqları və İbrahim onu üzüstə yerə yıxdığı zaman

وَنَـٰدَيْنَـٰهُ أَن يَـٰٓإِبْرَٰهِيمُ

Biz onu çağırıb dedik: “Ey İbrahim!

قَدْ صَدَّقْتَ ٱلرُّءْيَآ ۚ إِنَّا كَذَٰلِكَ نَجْزِى ٱلْمُحْسِنِينَ

Artıq sən yuxunu təsdiq etdin!” Biz yaxşı iş görənləri belə mükafatlandırırıq.

إِنَّ هَـٰذَا لَهُوَ ٱلْبَلَـٰٓؤُا۟ ٱلْمُبِينُ

Həqiqətən də bu, açıq-aydın bir imtahandır.

وَفَدَيْنَـٰهُ بِذِبْحٍ عَظِيمٍ

Biz onun əvəzinə böyük bir qurbanlığı fidyə verdik.

وَتَرَكْنَا عَلَيْهِ فِى ٱلْـَٔاخِرِينَ

Sonradan gələnlər arasında ona gözəl xatirə qoyduq.

سَلَـٰمٌ عَلَىٰٓ إِبْرَٰهِيمَ

İbrahimə salam olsun!

كَذَٰلِكَ نَجْزِى ٱلْمُحْسِنِينَ

Həqiqətən, Biz yaxşı iş görənləri belə mükafatlandırırıq.

إِنَّهُۥ مِنْ عِبَادِنَا ٱلْمُؤْمِنِينَ

Həqiqətən, o, Bizim mömin qullarımızdandır.

وَبَشَّرْنَـٰهُ بِإِسْحَـٰقَ نَبِيًّا مِّنَ ٱلصَّـٰلِحِينَ

Ona əməlisalehlərdən olacaq bir peyğəmbər – İshaq ilə müjdə verdik.

وَبَـٰرَكْنَا عَلَيْهِ وَعَلَىٰٓ إِسْحَـٰقَ ۚ وَمِن ذُرِّيَّتِهِمَا مُحْسِنٌ وَظَالِمٌ لِّنَفْسِهِۦ مُبِينٌ

Biz ona və İshaqa bərəkət verdik. Hər ikisinin nəslində yaxşı iş görənləri də var, açıq-aydın özünə zülm edənləri də.

وَلَقَدْ مَنَنَّا عَلَىٰ مُوسَىٰ وَهَـٰرُونَ

Biz Musa ilə Haruna da nemət bəxş etdik.

وَنَجَّيْنَـٰهُمَا وَقَوْمَهُمَا مِنَ ٱلْكَرْبِ ٱلْعَظِيمِ

Onların hər ikisini və tayfalarını böyük sıxıntıdan qurtardıq.

وَنَصَرْنَـٰهُمْ فَكَانُوا۟ هُمُ ٱلْغَـٰلِبِينَ

Onlara kömək göstərdik və qalib gəldilər.

وَءَاتَيْنَـٰهُمَا ٱلْكِتَـٰبَ ٱلْمُسْتَبِينَ

Hər ikisinə aydın bir Kitab verdik.

وَهَدَيْنَـٰهُمَا ٱلصِّرَٰطَ ٱلْمُسْتَقِيمَ

Hər ikisini də doğru yola yönəltdik.

وَتَرَكْنَا عَلَيْهِمَا فِى ٱلْـَٔاخِرِينَ

Sonradan gələnlər arasında hər ikisinə gözəl xatirə qoyduq.

سَلَـٰمٌ عَلَىٰ مُوسَىٰ وَهَـٰرُونَ

Musaya və Haruna salam olsun!

إِنَّا كَذَٰلِكَ نَجْزِى ٱلْمُحْسِنِينَ

Həqiqətən, Biz yaxşı iş görənləri belə mükafatlandırırıq.

إِنَّهُمَا مِنْ عِبَادِنَا ٱلْمُؤْمِنِينَ

Həqiqətən, onların ikisi də Bizim mömin qullarımızdandır.

وَإِنَّ إِلْيَاسَ لَمِنَ ٱلْمُرْسَلِينَ

Şübhəsiz ki, İlyas da elçilərdəndir.

إِذْ قَالَ لِقَوْمِهِۦٓ أَلَا تَتَّقُونَ

Bir zaman o öz qövmünə demişdi: “Məgər qorxmursunuz?

أَتَدْعُونَ بَعْلًا وَتَذَرُونَ أَحْسَنَ ٱلْخَـٰلِقِينَ

Siz yaradanların ən yaxşısını qoyub niyə Bələ yalvarırsınız –

ٱللَّهَ رَبَّكُمْ وَرَبَّ ءَابَآئِكُمُ ٱلْأَوَّلِينَ

həm sizin Rəbbiniz, həm də əcdadlarınızın Rəbbi olan Allahımı tərk edirsiniz?”

فَكَذَّبُوهُ فَإِنَّهُمْ لَمُحْضَرُونَ

Onlar onu yalançı saydılar. Ona görə də hamısı Cəhənnəmə gətiriləcəkdir.

إِلَّا عِبَادَ ٱللَّهِ ٱلْمُخْلَصِينَ

Yalnız Allahın seçilmiş səmimi qullarından başqa.

وَتَرَكْنَا عَلَيْهِ فِى ٱلْـَٔاخِرِينَ

Sonradan gələnlər arasında ona gözəl xatirə qoyduq.

سَلَـٰمٌ عَلَىٰٓ إِلْ يَاسِينَ

İlyasinə salam olsun!

إِنَّا كَذَٰلِكَ نَجْزِى ٱلْمُحْسِنِينَ

Həqiqətən, Biz yaxşı iş görənləri belə mükafatlandırırıq.

إِنَّهُۥ مِنْ عِبَادِنَا ٱلْمُؤْمِنِينَ

Həqiqətən, o Bizim mömin qullarımızdandır.

وَإِنَّ لُوطًا لَّمِنَ ٱلْمُرْسَلِينَ

Şübhəsiz ki, Lut da elçilərdəndir.

إِذْ نَجَّيْنَـٰهُ وَأَهْلَهُۥٓ أَجْمَعِينَ

Bir zaman Biz onu və bütün ailəsini xilas etdik.

إِلَّا عَجُوزًا فِى ٱلْغَـٰبِرِينَ

Yalnız geridə qalanların içində olan yaşlı bir qadından başqa.

ثُمَّ دَمَّرْنَا ٱلْـَٔاخَرِينَ

Sonra da o birilərini yerli-dibli yox etdik.

وَإِنَّكُمْ لَتَمُرُّونَ عَلَيْهِم مُّصْبِحِينَ

Siz həm səhər çağı onların yanından keçirsiniz,

وَبِٱلَّيْلِ ۗ أَفَلَا تَعْقِلُونَ

həm də axşam çağı. Məgər anlamırsınız?

وَإِنَّ يُونُسَ لَمِنَ ٱلْمُرْسَلِينَ

Yunus da, həqiqətən, elçilərdəndir.

إِذْ أَبَقَ إِلَى ٱلْفُلْكِ ٱلْمَشْحُونِ

Bir zaman o, yüklü bir gəmiyə tərəf qaçdı.

فَسَاهَمَ فَكَانَ مِنَ ٱلْمُدْحَضِينَ

Başqaları ilə birlikdə püşk atdı və uduzanlardan oldu.

فَٱلْتَقَمَهُ ٱلْحُوتُ وَهُوَ مُلِيمٌ

O, qınanmağa layiq olduqda balıq onu uddu.

فَلَوْلَآ أَنَّهُۥ كَانَ مِنَ ٱلْمُسَبِّحِينَ

Əgər o, Allaha tərif deyənlərdən olmasaydı,

لَلَبِثَ فِى بَطْنِهِۦٓ إِلَىٰ يَوْمِ يُبْعَثُونَ

balığın qarnında Qiyamət gününə qədər qalardı.

۞ فَنَبَذْنَـٰهُ بِٱلْعَرَآءِ وَهُوَ سَقِيمٌ

O, halsız olduğu vəziyyətdə onu sahilə çıxartdıq.

وَأَنۢبَتْنَا عَلَيْهِ شَجَرَةً مِّن يَقْطِينٍ

Onun başı üstündə balqabaq tağı bitirdik.

وَأَرْسَلْنَـٰهُ إِلَىٰ مِا۟ئَةِ أَلْفٍ أَوْ يَزِيدُونَ

Biz onu yüz mindən də daha çox adama peyğəmbər göndərdik.

فَـَٔامَنُوا۟ فَمَتَّعْنَـٰهُمْ إِلَىٰ حِينٍ

Onlar ona iman gətirdilər, Biz də onlara müəyyən vaxtadək firavanlıq nəsib etdik.

فَٱسْتَفْتِهِمْ أَلِرَبِّكَ ٱلْبَنَاتُ وَلَهُمُ ٱلْبَنُونَ

Kafirlərdən soruş: “Nəyə görə qızlar sənin Rəbbinin, oğlanlar isə onların olmalıdır?”

أَمْ خَلَقْنَا ٱلْمَلَـٰٓئِكَةَ إِنَـٰثًا وَهُمْ شَـٰهِدُونَ

Yoxsa Biz mələkləri dişi yaratmışıq və onlar da buna şahid olublar?

أَلَآ إِنَّهُم مِّنْ إِفْكِهِمْ لَيَقُولُونَ

Həqiqətən, onlar yalan uydurub deyirlər:

وَلَدَ ٱللَّهُ وَإِنَّهُمْ لَكَـٰذِبُونَ

“Allah doğmuşdur”. Şübhəsiz ki, onlar yalançıdırlar.

أَصْطَفَى ٱلْبَنَاتِ عَلَى ٱلْبَنِينَ

Məgər Allah qızları oğlanlardan üstünmü tutmuşdur?

مَا لَكُمْ كَيْفَ تَحْكُمُونَ

Sizə nə olub, bu necə mühakimədir yürüdürsünüz?

أَفَلَا تَذَكَّرُونَ

Məgər düşünüb ibrət almayacaqsınız?

أَمْ لَكُمْ سُلْطَـٰنٌ مُّبِينٌ

Yoxsa sizin aydın bir dəliliniz vardır?

فَأْتُوا۟ بِكِتَـٰبِكُمْ إِن كُنتُمْ صَـٰدِقِينَ

Əgər doğru deyirsinizsə, kitabınızı gətirin!

وَجَعَلُوا۟ بَيْنَهُۥ وَبَيْنَ ٱلْجِنَّةِ نَسَبًا ۚ وَلَقَدْ عَلِمَتِ ٱلْجِنَّةُ إِنَّهُمْ لَمُحْضَرُونَ

Onlar Allahla cinlər arasında qohumluq olduğunu uydurdular. Həqiqətən, cinlər onların Cəhənnəmə gətiriləcəyini bilirlər.

سُبْحَـٰنَ ٱللَّهِ عَمَّا يَصِفُونَ

Allah onların Ona aid etdikləri sifətlərdən uzaqdır.

إِلَّا عِبَادَ ٱللَّهِ ٱلْمُخْلَصِينَ

Yalnız Allahın seçilmiş səmimi qullarından başqa.

فَإِنَّكُمْ وَمَا تَعْبُدُونَ

Ey müşriklər! Nə siz, nə də sizin tapındıqlarınız

مَآ أَنتُمْ عَلَيْهِ بِفَـٰتِنِينَ

heç kəsi Allaha qarşı yoldan çıxara bilməzsiniz;

إِلَّا مَنْ هُوَ صَالِ ٱلْجَحِيمِ

ancaq Cəhənnəmə girəcək kimsədən başqa.

وَمَا مِنَّآ إِلَّا لَهُۥ مَقَامٌ مَّعْلُومٌ

Mələklər dedi: “Bizlərdən hər kəsin müəyyən bir yeri vardır.

وَإِنَّا لَنَحْنُ ٱلصَّآفُّونَ

Həqiqətən, biz səf-səf dururuq.

وَإِنَّا لَنَحْنُ ٱلْمُسَبِّحُونَ

Həqiqətən, biz Allahın şəninə təriflər deyirik”.

وَإِن كَانُوا۟ لَيَقُولُونَ

Müşriklər deyirdilər:

لَوْ أَنَّ عِندَنَا ذِكْرًا مِّنَ ٱلْأَوَّلِينَ

“Əgər bizdə də əvvəlkilərdə olan zikrdən olsaydı,

لَكُنَّا عِبَادَ ٱللَّهِ ٱلْمُخْلَصِينَ

biz mütləq Allahın seçilmiş səmimi qulları olardıq”.

فَكَفَرُوا۟ بِهِۦ ۖ فَسَوْفَ يَعْلَمُونَ

Lakin onlar onu inkar etdilər. Onlar tezliklə biləcəklər.

وَلَقَدْ سَبَقَتْ كَلِمَتُنَا لِعِبَادِنَا ٱلْمُرْسَلِينَ

Bizim elçi göndərdiyimiz qullarımız haqqında bu Sözümüz əzəldən deyilmişdi:

إِنَّهُمْ لَهُمُ ٱلْمَنصُورُونَ

“Həqiqətən, onlara kömək göstəriləcəkdir.

وَإِنَّ جُندَنَا لَهُمُ ٱلْغَـٰلِبُونَ

Bizim əsgərlərimizin mütləq qələbəsi labüddür”.

فَتَوَلَّ عَنْهُمْ حَتَّىٰ حِينٍ

Sən bir müddət onlardan üz çevir!

وَأَبْصِرْهُمْ فَسَوْفَ يُبْصِرُونَ

Onlara bax! Onlar tezliklə əzabı görəcəklər.

أَفَبِعَذَابِنَا يَسْتَعْجِلُونَ

Onlar əzabımızın tezliklə gəlməsinimi istəyirlər?

فَإِذَا نَزَلَ بِسَاحَتِهِمْ فَسَآءَ صَبَاحُ ٱلْمُنذَرِينَ

Əzab onların yurdlarına endiyi zaman qorxudulanların sabahı necə də pis olacaq!

وَتَوَلَّ عَنْهُمْ حَتَّىٰ حِينٍ

Sən bir müddət onlardan üz çevir!

وَأَبْصِرْ فَسَوْفَ يُبْصِرُونَ

Onlara bax! Onlar tezliklə əzabı görəcəklər.

سُبْحَـٰنَ رَبِّكَ رَبِّ ٱلْعِزَّةِ عَمَّا يَصِفُونَ

Qüdrət sahibi olan Rəbbin pakdır, müşriklərin Ona aid etdikləri sifətlərdən uzaqdır.

وَسَلَـٰمٌ عَلَى ٱلْمُرْسَلِينَ

Elçilərə salam olsun!

وَٱلْحَمْدُ لِلَّهِ رَبِّ ٱلْعَـٰلَمِينَ

Aləmlərin Rəbbi olan Allaha həmd olsun!