İnfitar surəsi

إِذَا ٱلسَّمَآءُ ٱنفَطَرَتْ

Göy parçalanacağı zaman,

وَإِذَا ٱلْكَوَاكِبُ ٱنتَثَرَتْ

ulduzlar səpələnəcəyi zaman,

وَإِذَا ٱلْبِحَارُ فُجِّرَتْ

dənizlər daşıb bir-birinə qarışacağı zaman,

وَإِذَا ٱلْقُبُورُ بُعْثِرَتْ

qəbirlər çevriləcəyi zaman,

عَلِمَتْ نَفْسٌ مَّا قَدَّمَتْ وَأَخَّرَتْ

hər kəs əvvəlcədən özü üçün nəyi tədarük edib, nəyi sonraya saxladığını biləcəkdir.

يَـٰٓأَيُّهَا ٱلْإِنسَـٰنُ مَا غَرَّكَ بِرَبِّكَ ٱلْكَرِيمِ

Ey insan! Səni öz Səxavətli Rəbbinə qarşı qoyan nədir?

ٱلَّذِى خَلَقَكَ فَسَوَّىٰكَ فَعَدَلَكَ

O ki, səni yaradıb kamilləşdirdi və sənə gözəl bir surət verdi.

فِىٓ أَىِّ صُورَةٍ مَّا شَآءَ رَكَّبَكَ

Səni istədiyi şəklə saldı.

كَلَّا بَلْ تُكَذِّبُونَ بِٱلدِّينِ

Xeyr! Əksinə, siz Qiyaməti yalan hesab edirsiniz!

وَإِنَّ عَلَيْكُمْ لَحَـٰفِظِينَ

Həqiqətən, sizin üstünüzdə nəzarətçilər vardır –

كِرَامًا كَـٰتِبِينَ

çox möhtərəm, əməllərinizi yazanlar.

يَعْلَمُونَ مَا تَفْعَلُونَ

Onlar sizin nə etdiklərinizi bilirlər.

إِنَّ ٱلْأَبْرَارَ لَفِى نَعِيمٍ

Həqiqətən, itaətkarlar nemət içində olacaqlar.

وَإِنَّ ٱلْفُجَّارَ لَفِى جَحِيمٍ

Şübhəsiz ki, günahkarlar da Cəhənnəmdə olacaqlar.

يَصْلَوْنَهَا يَوْمَ ٱلدِّينِ

Onlar ora Haqq-hesab günü girəcəklər.

وَمَا هُمْ عَنْهَا بِغَآئِبِينَ

Onlar əsla ondan yayına bilməyəcəklər.

وَمَآ أَدْرَىٰكَ مَا يَوْمُ ٱلدِّينِ

Sən haradan biləydin ki, Haqq-hesab günü nədir?

ثُمَّ مَآ أَدْرَىٰكَ مَا يَوْمُ ٱلدِّينِ

Doğrudan da, sən haradan biləydin ki, Haqq-hesab günü nədir?

يَوْمَ لَا تَمْلِكُ نَفْسٌ لِّنَفْسٍ شَيْـًٔا ۖ وَٱلْأَمْرُ يَوْمَئِذٍ لِّلَّهِ

O gün heç kəs heç kəsə fayda verə bilməz və həmin gün hakimiyyət Allaha məxsus olacaqdır!