Mutəffifin surəsi

وَيْلٌ لِّلْمُطَفِّفِينَ

Çəkidə və ölçüdə aldadanların vay halına!

ٱلَّذِينَ إِذَا ٱكْتَالُوا۟ عَلَى ٱلنَّاسِ يَسْتَوْفُونَ

O kəslərin ki, camaatdan bir şey aldıqda onu tam almaq istəyərlər,

وَإِذَا كَالُوهُمْ أَو وَّزَنُوهُمْ يُخْسِرُونَ

onlar üçün bir şey ölçdükdə və ya çəkdikdə onu ziyana salarlar.

أَلَا يَظُنُّ أُو۟لَـٰٓئِكَ أَنَّهُم مَّبْعُوثُونَ

Onlar dirildiləcəklərini fikirləşmirlərmi?

لِيَوْمٍ عَظِيمٍ

Həm də əzəmətli bir gündə.

يَوْمَ يَقُومُ ٱلنَّاسُ لِرَبِّ ٱلْعَـٰلَمِينَ

O gündə ki, insanlar aləmlərin Rəbbinin qarşısında dayanacaqlar.

كَلَّآ إِنَّ كِتَـٰبَ ٱلْفُجَّارِ لَفِى سِجِّينٍ

Xeyr! Həqiqətən, günahkarların kitabı Siccindədir.

وَمَآ أَدْرَىٰكَ مَا سِجِّينٌ

Sən haradan biləsən ki, Siccin nədir?!

كِتَـٰبٌ مَّرْقُومٌ

O, yazılı bir kitabdır!

وَيْلٌ يَوْمَئِذٍ لِّلْمُكَذِّبِينَ

O gün haqqı yalan hesab edənlərin vay halına!

ٱلَّذِينَ يُكَذِّبُونَ بِيَوْمِ ٱلدِّينِ

O kəslərin ki, Haqq-hesab gününü yalan hesab edirlər.

وَمَا يُكَذِّبُ بِهِۦٓ إِلَّا كُلُّ مُعْتَدٍ أَثِيمٍ

Amma bunu, həddini aşan günahkardan başqa, heç kəs yalan hesab etməz.

إِذَا تُتْلَىٰ عَلَيْهِ ءَايَـٰتُنَا قَالَ أَسَـٰطِيرُ ٱلْأَوَّلِينَ

Ayələrimiz ona oxunduğu zaman: “Bu, keçmişdəkilərin uydurduğu əfsanələrdir!” – deyir.

كَلَّا ۖ بَلْ ۜ رَانَ عَلَىٰ قُلُوبِهِم مَّا كَانُوا۟ يَكْسِبُونَ

Xeyr! Onların qəlbini qazandıqları günahlar bürümüşdür.

كَلَّآ إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ

Xeyr, həmin gün onlarla Rəbbi arasına pərdə çəkiləcək!

ثُمَّ إِنَّهُمْ لَصَالُوا۟ ٱلْجَحِيمِ

Sonra onlar Cəhənnəmə girəcəklər

ثُمَّ يُقَالُ هَـٰذَا ٱلَّذِى كُنتُم بِهِۦ تُكَذِّبُونَ

və onlara deyiləcək: “Budur sizin yalan hesab etdiyiniz Cəhənnəm!”

كَلَّآ إِنَّ كِتَـٰبَ ٱلْأَبْرَارِ لَفِى عِلِّيِّينَ

Xeyr! Həqiqətən, itaətkarların kitabı İlliyyundadir!

وَمَآ أَدْرَىٰكَ مَا عِلِّيُّونَ

Sən haradan biləsən ki, İlliyyun nədir?!

كِتَـٰبٌ مَّرْقُومٌ

O, elə bir yazılı kitabdır ki,

يَشْهَدُهُ ٱلْمُقَرَّبُونَ

onu yalnız Allaha yaxın olanlar görürlər!

إِنَّ ٱلْأَبْرَارَ لَفِى نَعِيمٍ

Həqiqətən, itaətkarlar nemətlər içində olacaqlar.

عَلَى ٱلْأَرَآئِكِ يَنظُرُونَ

Onlar taxtlar üstündə seyrə dalacaqlar.

تَعْرِفُ فِى وُجُوهِهِمْ نَضْرَةَ ٱلنَّعِيمِ

Sən onların çöhrəsində səadət parlaqlığı görəcəksən.

يُسْقَوْنَ مِن رَّحِيقٍ مَّخْتُومٍ

Onlara möhürlü şərabdan içirdiləcəkdir.

خِتَـٰمُهُۥ مِسْكٌ ۚ وَفِى ذَٰلِكَ فَلْيَتَنَافَسِ ٱلْمُتَنَـٰفِسُونَ

Onun möhürü müşkdür. Qoy çalışanlar onun üçün səy göstərsinlər!

وَمِزَاجُهُۥ مِن تَسْنِيمٍ

Onun qatışığı isə təsnim bulağındandır.

عَيْنًا يَشْرَبُ بِهَا ٱلْمُقَرَّبُونَ

O təsnim elə bir bulaqdır ki, ondan Allaha yaxın olanlar içərlər.

إِنَّ ٱلَّذِينَ أَجْرَمُوا۟ كَانُوا۟ مِنَ ٱلَّذِينَ ءَامَنُوا۟ يَضْحَكُونَ

Doğrudan da, günah edənlər iman gətirənlərə gülürdülər,

وَإِذَا مَرُّوا۟ بِهِمْ يَتَغَامَزُونَ

onların yanından keçdikdə bir-birinə qaş-göz edirdilər,

وَإِذَا ٱنقَلَبُوٓا۟ إِلَىٰٓ أَهْلِهِمُ ٱنقَلَبُوا۟ فَكِهِينَ

öz ailələrinin yanına fərəhlə qayıdırdılar,

وَإِذَا رَأَوْهُمْ قَالُوٓا۟ إِنَّ هَـٰٓؤُلَآءِ لَضَآلُّونَ

möminləri gördükdə isə deyirdilər: “Həqiqətən, bunlar azmışlardır!”

وَمَآ أُرْسِلُوا۟ عَلَيْهِمْ حَـٰفِظِينَ

Halbuki bu günahkarlar onlara gözətçi qoyulmamışdılar.

فَٱلْيَوْمَ ٱلَّذِينَ ءَامَنُوا۟ مِنَ ٱلْكُفَّارِ يَضْحَكُونَ

Bu gün məhz iman gətirənlər kafirlərə güləcəklər.

عَلَى ٱلْأَرَآئِكِ يَنظُرُونَ

Onlar taxtlar üstündə ətrafa baxacaqlar.

هَلْ ثُوِّبَ ٱلْكُفَّارُ مَا كَانُوا۟ يَفْعَلُونَ

Kafirlər törətdiklərinin cəzasını aldılarmı?!